Мінчанку аштрафавалі на 5800 рублёў за фоткі Бабарыкі і Ціханоўскай у акне
У Завадскім судзе Мінска разглядаліся адміністрацыйныя справы супраць Іны Дабратвор.
Яна ў вокнах сваёй кватэры па вуліцы Арцёма змясціла партрэты Віктара Бабарыкі, Святланы Ціханоўскай, Марыі Калеснікавай і выяву герба Пагоня.
Іна — журналістка-фрылансер, маці пецярых дзяцей, а таксама жонка актывіста Іллі Дабратвора. Гэта менавіта ў іх на паверсе пад’езд быў абклеіны выявамі палітвязняў.
Іну Дабратвор судзілі адразу па трох пратаколах па артыкуле 24.23 частка 3, нібыта шляхам вывешвання здымкаў яна ладзіла пікет. У выніку суддзя Алена Някрасава прысудзіла жанчыне 200 базавых велічынь штрафу — гэта 5800 рублёў.
Цяпер чытаюць
Медсястра з Лепеля закахалася ў расійскага вайскоўца і паехала наёмніцай на фронт ва Украіну20
Каментары