Ён пакусаў трох жанчын у вёсцы Ласіцк.
Дзікага звера ловяць паляўнічыя, лясгас, міліцыя і МНС, паведамляе БелТА са спасылкай на райвыканкам.
Воўк з'явіўся ў вёсцы Ласіцк 5 красавіка пасля абеду. Ён напаў на дзвюх жанчын на ўскраіне вёскі. На крыкі аб дапамозе збегліся людзі, мужчыны з віламі дапамаглі адбіцца ад звера. Неўзабаве агрэсіўны драпежнік аб'явіўся ў самой вёсцы, дзе пакусаў яшчэ адну жанчыну.
«У Ласіцк сталі спешна сцягвацца экстранныя службы: міліцыя, хуткая дапамога, МНС. Пацярпелым была аказаная медыцынская дапамога, у іх зафіксавалі ўкушаныя раны і траўмы, нанесеныя дзікім зверам. Пазней стала вядома, што ў вёсцы воўк напаў на сабаку і казу», — распавялі ў райвыканкаме.
На пошукі, як мяркуецца, шалёнага драпежніка мабілізаваныя міліцыянты, егеры лясніцтва, паляўнічыя. Ратавальнікі просяць людзей устрымацца ад прагулак і не выходзіць з дома ў цёмны час сутак.
23‑гадовы рэпер з Астраўца загінуў за Расію на вайне. Паваяваў ён, відаць, каля месяца17
Каментары