Грамадства

Судзяць Ціму Беларускіх. Пракурор просіць два гады хатняй хіміі

Суд Маскоўскага раёна Мінска сёння пачынае судовы разгляд яго крымінальнай справы. Спевака абвінавачваюць ў набыцці, ужыванні і захоўванні наркатычных сродкаў (ч. 1, арт. 328).

Ціма (Цімафей Марозаў) разам з адвакатам Марыяй Колесавай-Гудзілінай. Фота Надзеі Бужан

Незалежныя СМІ, апроч kp.by, не пусцілі на пасяджэнне. Афіцыйная прычына — эпідэмічная абстаноўка.

На судзе Ціма распавёў, што ўпершыню ўжыў наркотыкі ў 16 гадоў. Ужываў марыхуану, какаін, той жа гашыш. Ужываў перыядычна, набываў рэчывы праз закладкі, з тэлефона сябра. Часам у закладках траплялася зусім не тое, што спявак «замаўляў». Напрыклад, летась Ціма разам са сваім сябрам Антонам Крывецкім хацелі набыць какаін, але ў закладцы трапіўся амфетамін.

У студзені, перад затрыманнем, Ціма і Антон заплацілі 300 рублёў за гашыш. Забралі закладку, пасля паехалі ў камп’ютарны клуб. Частку наркотыкаў ужылі, рэшту Ціма паклаў сабе ў кішэню, разам з трубкай для ўжывання. Іх і знайшлі ў спевака пасля затрымання.

Ціма кажа, што з Крывецкім сябруе больш за год. Пазнаёміліся праз агульных сяброў.

Абодва хлопцы — і Беларускіх, і Крывецкі — раней не судзімыя. Цяпер ім пагражае да 5 гадоў калоніі.

Таксама Ціма распавёў, што адукацыя ў яго поўная базавая, мае пяцігадовую дачку, зарэгістраваны як ІП у Ленінскім раёне Мінска.

У судзе абвешчаны перапынак да 14:15.

Пасля перапынку адбыліся спрэчкі бакоў. Выступаючы ў спрэчках, пракурор адзначыў, што віна фігурантаў справы ў судзе цалкам даказаная. Пры гэтым ён папрасіў суд улічыць пры вынясенні вердыкту чыстасардэчнае раскаянне абвінавачаных.

Дзяржаўны абвінаваўца запрасіў для Цімы Беларускіх пакаранне ў выглядзе абмежавання волі без накіравання ў выпраўленчую ўстанову тэрмінам на два гады.

Другому абвінавачанаму, Антону Крывецкаму, дзяржаўны абвінаваўца папрасіў таксама прызначыць два гады «хатняй хіміі». Акрамя гэтага, ён папрасіў суд вызваліць Крывіцкага з-пад варты ў зале суда.

***

Міліцыя затрымала Ціму Беларускіх 6 студзеня ў гульнявым клубе ў Мінску. Пры асабістым вобшуку ў якога быў выяўлены гашыш (каля 0,0375 грама) і амфетамін (1,96 г).

Паведамлялася, што наркотыкі спявак і яго прыяцель купілі праз інтэрнэт. Частку ўжылі ў памяшканні гульнявога клуба, рэшткі выявілі работнікі міліцыі. Падчас асабістага ператрусу Цімы быў знойдзены таксама псіхатроп. Сваю віну абвінавачаныя прызналі. Ціма быў адпушчаны пад заклад, а яго таварыш знаходзіцца пад вартай.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі16

У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі

Усе навіны →
Усе навіны

У Пінску дажджом затапіла рынак. Праблема існуе даўно, але не вырашаецца1

На чыгунцы супрацоўнікам адмяняюць надбаўкі і скарачаюць штаты4

Памер экспарту лунінецкага фермера ў Расію ўпершыню перасягнуў 10 мільёнаў даляраў3

Маладую касплэйшчыцу кінулі ў калонію за «заклікі да прычынення шкоды Беларусі»8

Пад Мінскам машына сутыкнулася з матацыклам ВІДЭА

У Мінску праходзіць велакарнавал «Viva Ровар» ФОТЫ2

Брэсцкія памежнікі не прапусцілі без чаргі інваліда з Расіі — былога прэс-сакратара паліцыі Інгушэціі. Ён абураны10

Макрон заклікаў стварыць «кааліцыю незалежных» і не глядзець на Вашынгтон і Пекін4

Чарэшні на Камароўцы патаннелі ўтрая. Чым яшчэ выгадна закупіцца?2

больш чытаных навін
больш лайканых навін

У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі16

У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі

Галоўнае
Усе навіны →

Заўвага:

 

 

 

 

Закрыць Паведаміць