У Расіі апублікавалі арыенціроўку на ўладальніка фур, якога падазраюць у дачыненні да атакі на вайсковыя аэрадромы
Адшукваецца Арцём Цімафееў, ураджэнец Украіны, яму 37 гадоў.
У расійскім горадзе Усць-Кут (Іркуцкая вобласць) абвешчаны ў вышук 37-гадовы Арцём Цімафееў, якога падазраюць у арганізацыі масавай атакі беспілотнікаў па ваенных аб’ектах Расіі.
Паводле звестак выдання «База», менавіта Цімафееў валодаў аўтамабілямі, з якіх 1 чэрвеня адбыўся запуск дронаў, што нанеслі ўдары па вайсковай інфраструктуры, у тым ліку, у Іркуцкай вобласці.
Падазраваны ў кастрычніку 2024 года зарэгістраваў ІП у сферы грузаперавозак, а ў снежні набыў некалькі машын, якія, паводле следства, былі выкарыстаныя падчас аперацыі.
Цімафееў — ураджэнец Жытоміра, хоць у арыенціроўцы ад адміністрацыі Усць-Кута памылкова пазначана, што ён нарадзіўся ў Данецку. Ён таксама жыў у Кіеве, а пазней пераехаў у Чэлябінскую вобласць Расіі, дзе разам з роднымі быў зарэгістраваны ў горадзе Міас.
Сёння арыенціроўкі на Цімафеева разасланы ва ўсе аддзяленні.
Пры гэтым украінскія ўлады 1 чэрвеня афіцыйна паведамілі, што ўсе выканаўцы аперацыі ўжо эвакуіраваны ва Украіну, не ўдакладняючы іх колькасць або месцазнаходжанне.
«Мы кідалі камяні, каб яны не ўзляталі». Адным з тых, хто спрабаваў спыніць дроны, што выляталі з фур, быў беларус Антон
Кіроўцы фур з дронамі, што атакавалі расійскія аэрадромы, расказалі, хто і навошта іх наняў
«Рускі Пёрл-Харбар». Z-каналы ў шоку ад украінскай атакі на расійскія аэрадромы
Украіна масіравана атакавала расійскія аэрадромы і знішчала бамбардзіровачную авіяцыю
На абедзе Лукашэнкі і Сі Цзіньпіна прысутнічала і адзіная дачка кітайскага лідара11
Каментары
[Зрэдагавана]