Брытанія сёння развіталася з прынцам Філіпам, герцагам Эдзінбургскім — мужам каралевы Лізаветы. Яны пражылі разам 73 гады, Філіп памёр 9 красавіка ва ўзросце 99 гадоў. Каралева Лізавета сядзіць у капліцы святога Джорджа непадалёк ад труны мужа. «Адзінота гора» — так назвалі гэтае фота PA Media брытанскія СМІ.
Фота з фэйсбука PA Media
Затым труну з целам герцага даставілі на аўтамабілі Land Rover, які прынц Філіп дапамог мадыфікаваць некалькі гадоў таму. Аўтамабіль суправаджала жалобная працэсія, у якой ішлі члены каралеўскай сям'і. Таксама за аўтамабілем ішла каралеўская марская пяхота і вайскоўцы з іншых войскаў, да якіх меў дачыненне прынц.
З-за абмежаванняў па каранавірусе на службе ў капліцы прысутнічалі толькі каля 30 членаў каралеўскай сям'і. Прынца пахавалі ў каралеўскай пахавальні.
Каментары