Грамадства

Стала вядомае імя чацвёртай арыштаванай па справе «замаху на Лукашэнку»

21 красавіка ў эфіры тэлеканала «Беларусь-1» начальнік аддзела следчага ўпраўлення КДБ Канстанцін Бычак заявіў, што па справе «замаху на Лукашэнку і дзяржперавароту» затрыманыя чатыры чалавекі.

Раней вядома было толькі пра трох — гэта адвакат з ЗША Юрась Зянковіч, а таксама літаратуразнаўца Аляксандр Фядута і старшыня Партыі БНФ Рыгор Кастусёў. Імя чацвёртага фігуранта прадстаўнік КДБ не назваў.

Вольга Галубовіч. Архіўнае фота з ok.ru

«Наша Ніва» дазналася, што гаворка, хутчэй за ўсё, вядзецца пра 43-гадовую Вольгу Галубовіч. Раней яна займалася справамі мінскага офіса Юрася Зянковіча, які дапамагаў людзям з міграцыяй у ЗША.

Жонка Юрася Алена ў каментары naviny.online пацвярджала тыдзень таму, што Галубовіч затрыманая КДБ. А мінскі офіс Зянковіча нібыта спыніў працу яшчэ ў верасні 2020 года.

«Нашай Ніве» стала вядома, што Вольга працягвае знаходзіцца ў няволі. Ці выстаўлена ёй абвінавачанне, родныя дакладна не ведаюць. Яны пакуль адмаўляюцца ад каментароў.

Што вядома пра Вольгу Галубовіч? Яна родам з Мінска, але ў падлеткавым узросце разам з бацькамі пераехала ў мястэчка Свіслач Пухавіцкага раёна. Вучылася ў мастацкай вучэльні, а таксама на філфаку БДУ, дзе вывучала беларускую, рускую і сербскую мовы.

Вольга працавала сацыяльным педагогам у школе ў Свіслачы, а таксама падмяняла настаўнікаў беларускай і англійскай мовы. У 2003 годзе стала дэпутатам мясцовага пасялковага савета, хоць і прадстаўляла Партыю БНФ. Магчыма, з таго часу яна і ведае Юрася Зянковіча, які ў той жа час абіраўся ў мясцовыя саветы.

Вольга прынцыпова карысталася беларускай мовай, пад яе ўплывам па-беларуску стаў гаварыць і яе муж Алесь. Потым Вольга ўзначальвала кампанію «За нашу Свіслач». Тым не менш асабліва не свяцілася ў грамадскім жыцці.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Нежывым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ6

Нежывым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ

Усе навіны →
Усе навіны

Былога міліцыянера асудзілі за распальванне варожасці і залічылі ў тэрарысты

ЦАХАЛ атакаваў штаб-кватэру праекта, які займаецца распрацоўкай ядзернай праграмы3

ЗША могуць ударыць па Іране тактычнай ядзернай зброяй19

Шматдзетная маці з Мінска эмацыйна растлумачыла Лукашэнку, чаму беларускі не хочуць нараджаць63

Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу11

Моцна вырасла колькасць аўтамабіляў на выезд з Беларусі2

Пяскоў: Забойства Вярхоўнага лідара Ірана Хаменеі «адкрые скрыню Пандоры»13

У Фінляндыі запусцілі найбуйнейшую ў свеце пясчаную батарэю. Як гэта працуе?1

У Малдове на гей-прайдзе зноў засвяціўся «старакаталіцкі святар» з Наваградка, пра якога не было нічога чуваць больш за 5 гадоў10

больш чытаных навін
больш лайканых навін

Нежывым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ6

Нежывым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ

Галоўнае
Усе навіны →

Заўвага:

 

 

 

 

Закрыць Паведаміць