Падчас І Нацыянальнага форуму атлетаў адбыліся выбары новага складу камісіі спартсменаў НАК Беларусі.
У камісію ўвайшлі алімпійскі чэмпіён па веславанні на каноэ Аляксандр Багдановіч, прызёр ЧС і Еўропы па мастацкай гімнастыцы Кацярына Галкіна, памочнік галоўнага трэнера ХК «Дынама-Мінск» Міхаіл Грабоўскі, двухразовая алімпійская чэмпіёнка Кацярына Карстэн, тэнісіст, алімпійскі чэмпіён Максім Мірны, алімпійская чэмпіёнка па фрыстайле Ала Цупер.
З 20 прэтэндэнтаў неабходна было на форуме выбраць шэсць, а яшчэ чатыры будуць названыя па выніках Выканкама НАК, пасля чаго новы склад камісіі прагаласуе за кандыдатуру старшыні.
Асноўнымі задачамі камісіі з'яўляюцца ўнясенне прапаноў па вызначэнні прыярытэтных напрамкаў статутнай дзейнасці НАК Беларусі ў галіне ўсялякай падтрымкі беларускіх спартсменаў, у тым ліку іх сацыяльнага забеспячэння і мер па іх рэалізацыі.
«Камісія садзейнічае забеспячэнню падтрымкі беларускіх спартсменаў, якія завяршылі сваю кар'еру ў спорце вышэйшых дасягненняў, прыцягвае атлетаў у розныя арганізацыі, садзейнічае іх працаўладкаванню», — паведамляе прэс-служба НАК.
-
Трэнер, які прывёў клуб да срэбра ў чэмпіянаце Беларусі, будзе трэніраваць каманду з пятага дывізіёна першынства Польшчы
-
Форвард мінскага «Дынама» Дылан Дзюбэ і яшчэ чатыры хакеісты прызнаныя невінаватымі па справе аб сэксуальным гвалце
-
Галоўны трэнер «Нёмана» выканаў дзіўны танец пасля перамогі ў матчы Лігі канферэнцый
Каментары