Ці маюць нашчадкі ахвяр ядзерных катастроф генетычныя мутацыі? Раней адказ на гэтае пытанне быў невядомы. Але новае даследаванне дзяцей, чые бацькі пацярпелі ад радыяцыі падчас аварыі на ЧАЭС, праліваюць на яго святло.
Вядома, што іянізавальная радыяцыя можа шкодзіць ДНК у клетках, якія трапляюць пад яе ўплыў, але дагэтуль не было ясна, як яна ўплывае на яйцаклеткі і сперматазоіды. Згодна з адной з тэорый, мутацыі ў гэтых клетках маглі быць перанесеныя ў наступныя пакаленні, што выклікала б у нашчадкаў ахвяр радыяцыі разлады развіцця ці анкалагічныя захворванні, тлумачыць Guardian.
Гэта вырашыў праверыць доктар Стывен Чэнак з Нацыянальнага інстытута анкалогіі (ЗША). Разам з калегамі Чэнак вывучыў геномы 130 дзяцей, чые бацькі або ўдзельнічалі ў ліквідацыі наступстваў аварыі на Чарнобыльскай АЭС, або былі эвакуіраваныя з блізкіх гарадоў і вёсак. Усе дзеці былі зачатыя пасля аварыі, і геномы іх бацькоў таксама былі вывучаныя.
Нягледзячы на тое, што бацькі гэтых дзяцей перанеслі ўплыў высокага ўзроўню радыяцыі, у геноме дзяцей навукоўцы не зафіксавалі павышанай колькасці мутацый. Такія мутацыі маглі назірацца, напрыклад, у крыві бацькоў, але навукоўцы не знайшлі доказаў перадачы мутацый праз палавыя клеткі.
Праца, апублікаваная ў часопісе Science, не проста пашырае нашы веды пра тое, як радыяцыя ўздзейнічае на людзей. Яна таксама павінна ўпэўніць тых, хто пацярпеў у катастрофах з выкідамі радыяцыі, напрыклад, у аварыі на японскай АЭС Фукусіма-1, што для іх бяспечна вярнуцца дадому ці завесці дзяцей.
Мінск сёння вечарам пагрузіўся ў цемру. Пасля загаду Лукашэнкі51
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары