Вэб-дызайнер з Аргенціны Нікалас Курона набыў даменнае імя Google.com.ar усяго за 3 даляры, у выніку чаго 21 красавіка на тэрыторыі ўсёй краіны пошукавая сістэма Google не працавала некалькі гадзін.
Па словах Нікаласа Курона, 21 сакавіка ён зайшоў на сайт Nic.ar, дзе прадаюцца дамены, і заўважыў там мясцовы дамен Google. Нікалас адразу ж набыў яго прыкладна за 3 даляры, паведамляе BBC.
У сваіх дзеяннях аргенцінец не бачыў ніякага парушэння закону, але думаў, што ў яго цяпер будуць праблемы. Пра сваю паспяховую пакупку Нікалас напісаў у Twitter.
Супрацоўнікі Google хутка адрэагавалі на твіт, і доступ да аргенцінскай старонкі пошукавай сістэмы ўдалося вярнуць праз некалькі хвілін. Як менавіта кампаніі ўдалося прыйсці да пагаднення з Нікаласам, не паведамляецца.
Адно з тлумачэнняў гэтай сітуацыі ў тым, што супрацоўнікі Google, верагодна, забыліся працягнуць тэрмін дзеяння ліцэнзіі на дамен, у выніку чаго даменнае імя выставілі на продаж. Аднак у кампаніі пераконваюць, што гэта не так, а тэрмін дзеяння ліцэнзіі скончыцца толькі сёлета ў чэрвені.
Іншая версія — магчыма, у працы аргенцінскага сайта Nic.ar адбыліся тэхнічныя праблемы, праз якія дамен Google быў выстаўлены на продаж. Пакуль кампанія расследуе дакладныя абставіны інцыдэнту.
Цяпер чытаюць
Цемнаскуры студэнт у Мінску паскардзіўся Лукашэнку на дарагую кока-колу. Ужо выбачаўся, але міліцыя ім зацікавілася6
Каментары