Мінабароны: Беларускую паветраную мяжу з боку Польшчы парушыў верталёт
Мінабароны паведамляе, што 29 красавіка ў 2 гадзіны 2 хвіліны ў раёне Казловічаў сродкамі радыёлакацыйнай разведкі ВПС і войскаў СПА ва ўзаемадзеянні з органамі памежнай службы зафіксавана паўторнае на працягу месяца парушэнне дзяржаўнай мяжы з боку Польшчы.
Верталёт-парушальнік Мі-24 пакінуў краіну ў 2 гадзіны 3 хвіліны ў раёне населенага пункта Церабунь. Паветранае судна суправаджалася сродкамі СПА.
30 красавіка ў беларускае абароннае ведамства быў выкліканы польскі аташэ па пытаннях абароны, якому «была выказана заклапочанасць частымі выпадкамі парушэння дзяржаўнай мяжы Рэспублікі Беларусь, а таксама заяўлена аб неабходнасці правядзення разбору па гэтым факце і інфармавання беларускага боку аб яго выніках».
Таксама польскаму вайсковаму дыпламату было ўказана на адсутнасць да гэтага часу вынікаў разбору па факце парушэння дзяржаўнай мяжы 12 красавіка.
23‑гадовы рэпер з Астраўца загінуў за Расію на вайне. Паваяваў ён, відаць, каля месяца17
Каментары