Нямецкія даследчыкі прааналізвалі 27 тысяч фотаздымкаў птушак, каб вызначыць самую «інстаграмную» птушку ў свеце.
Жабкарот — начная птушка, якую часта блытаюць з савой. Праз вялізную дзюбу і шырока расплюшчаныя вочы жабкарот мае злы выгляд. Аднак гэта не перашкаджае яму збіраць больш за ўсё лайкаў у інстаграме, піша The New York Times.
Даследчыкі вывучалі самыя папулярныя акаўнты ў інстаграм, прысвечаныя птушкам. Такім чынам яны спрабавалі зразумець, ад чаго залежыць поспех фотаздымкаў птушак.
У выніку даследчыкі прыйшлі да высновы, што поспех фотаздымка залежыць не ад эстэтыкі, а ад таго, наколькі незвычайна выглядае птушка. Таму жабкарот быў абвешчаны самай фотагенічнай птушкай інстаграма, якая збірае найбольшую колькасць лайкаў.
Жабкарот з’яўляецца аседлай птушкай, якая жыве ў Паўднёва-Усходняй Азіі і Аўстраліі. Шырокая пашча, прызначаная для лоўлі здабычы, робіць птушку падобнай да марыянеткі. Праз свае рысы і шырокія вочы жабкарот заўсёды выглядае сярдзітым або засмучаным.
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе56
Каментары