Зірніце, як выглядаюць інтэр'еры дома, цалкам надрукаванага на 3D-прынтары
Першы ў Еўропе дом, цалкам пабудаваны з дапамогай тэхналогіі 3D-прынтара, арандавала пажылая пара з Нідэрландаў.
71-гадовая Эліза Лутц і 67-гадовы Хары Дэкерс сталі шчаслівымі ўладальнікамі лічбавага ключа — мабільнага дадатку, які дазваляе адчыніць дзверы шэрага будынка ў Эйндховене, што на поўдні Нідэрландаў, піша CNN.
Аднапавярховы надрукаваны дом з прасторнай вітальняй і дзвюма спальнямі мае плошчу каля 93 квадратных метраў.
Гэты дом стаў першым з пяці запланаваных будынкаў ад Project Milestone — першага ў свеце праекта будаўніцтва камерцыйнага жытла, цалкам надрукаванага на 3D-прынтары.
Будынак будзе прыдатным для жыцця на працягу некалькіх дзесяцігоддзяў. Архітэктары пабудавалі дом знешне падобным да валуна, каб ён упісваўся ў навакольныя краявіды.
Дом складаецца з 24 бетонных элементаў, якія надрукавалі на заводзе ў Эйндховене. Затым элементы даставілі на будаўнічую пляцоўку і размясцілі на фундаменце. Агулам друк дома доўжыўся 120 гадзін.
Арэнда такога жытла складае 800 еўра за месяц.
У метадзе 3D-друку выкарыстоўваецца вялізная рабатызаваная рука з соплам, якая размяркоўвае спецыяльны бетон на стале для 3D-друку.
Многія разглядаюць 3D-тэхналогію як спосаб скараціць выдаткі на будаўніцтва жытла і знізіць уздзеянне на экалогію за кошт меншай колькасці выкарыстанага цэменту.
Цяпер чытаюць
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода13
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве44
Каментары