Некалькі чалавек загінулі, больш за 70 чалавек параненыя.
Здарэнне адбылося каля 17‑й гадзіны 22 чэрвеня (каля 00:00 паводле мінскага часу) на поўначы амерыканскай сталіцы. У гадзіну пік на самай загружанай лініі метро з рэек сышоў цягнік, які складаўся з пяці вагонаў. Ён рухаўся маршрутам ад станцыі Shady Grove у напрамку станцыі Glenmont.
На даехаўшы да канцавой станцыі чатыры прыпынкі, з невядомых пакуль прычын цягнік сышоў з рэек. Reuters перадае, што гэта адбылося паміж станцыямі Fort Totten і Тakoma. Састаў з усяе сілы ўрэзаўся ў цягнік, што стаяў наперадзе.
Сутыкненне было настолькі моцным, што некаторыя вагоны папросту сплюшчыла. Выратавальнікам давялося разразаць вагоны, каб дастаць адтуль пасажыраў.
Паводле стану на 08:00 пацярпелых 76 чалавек, у большасці — лёгкія раненні. Два чалавекі знаходзяцца ў цяжкім стане. Колькасць загінулых дакладна невядомая.
СМІ кажуць пра шэсць чалавек.
Каментары