Некалькім сталічным вуліцам і тром кварталам хочуць даць назву і запрашаюць мінчан да абмеркавання, паведамляюць Мінск-навіны
Камісія па назвах і перайменаванні праспектаў, вуліц, плошчаў і іншых частак Мінска, разгледзеўшы 17 чэрвеня прапановы арганізацый горада, прапанавала прысвоіць часткам Мінска наступныя назвы:
гістарычны квартал «Верхні горад» — тэрыторыі ў межах вуліц Гарадскі Вал, Нямігі, Зыбіцкай, Інтэрнацыянальнай, вул. Янкі Купалы, праспекта Незалежнасці;
гістарычны квартал «Ракаўскае прадмесце» — тэрыторыі ў межах Юбілейнай плошчы, вул. Ракаўскай, Шпалернай, Замкавай, пр. Пераможцаў, вул. Нямігі, вул. Раманаўская Слабада;
гістарычны квартал «Траецкая Гара» — тэрыторыі ў межах вуліцы Старавіленскай, вул. Камуністычнай, ракі Свіслач.
вуліца Уладзіслава Галубка — праектаванай вуліцы №1 (працяг існуючай вуліцы Уладзіслава Галубка) у межах вул. Лынькова, вул. П. Глебкі, праезду Масюкоўшчына;
вуліца Усевалада Ігнатоўскага — праектаванай вуліцы №3 (працяг існуючай Ігнатоўскага) у межах вул. м. Лынькова, вул. П. Глебкі, праезду Масюкоўшчына;
завулак Максіма Гарэцкага — праектаванай вуліцы №8 у межах вул. Шаранговіча, вул. Гарэцкага, вул. Рафіева.
***
Упраўленне культуры Мінгарвыканкама (220006, г. Мінск, вул. Маякоўскага, 22 к. 2) прымае меркаванні жыхароў горада па прапанаваных назвах на працягу двух тыдняў пасля публікацыі.
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»9
Каментары