Святлана Алексіевіч піша кнігу, прысвечаную падзеям у Беларусі. Пра гэта яна распавяла ў інтэрв'ю Gazeta Wyborcza, піша Zerkalo.io.
Нобелеўскі лаўрэат заявіла, што калі яна зараз вернецца ў Беларусь, то паўторыць лёс Аляксея Навальнага — апынецца ў турме.
— Цяпер я не магу вярнуцца на радзіму. Таму чаканне новай сустрэчы з Мінскам я патрачу на тое, каб напісаць кнігу пра тое, як гэта адбылося, што людзі сказалі: «хопіць», і што сусед выступіў супраць суседа. Пра тое — што ў нашых турмах сёння катуюць людзей, як калісьці ў лагерах, — распавяла пісьменніца.
Яна прызналася, што праца над кнігай ідзе вельмі цяжка — многія гісторыі выклікаюць у яе слёзы. Напрыклад, гэта і выступленні студэнтаў у судзе з апошнім словам, і прысуд мінчанцы, якая напісала на асфальце «Жыве Беларусь», і гісторыя жанчын, якім давялося нелегальна пераходзіць мяжу з Літвой.
«Хацела напісаць пра каханне і старасць. Але давядзецца пачакаць…» — кажа пісьменніца.
Цяпер чытаюць
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары