Дзесяць гадоў таму будынак ледзь не развальваўся, цяпер радуе вока. У першай палове дзясятых ўлады Магілёва вырашылі добраўпарадкаваць раён Падміколле і стварыць тут вялікі гарадскі парк.
Побач знаходзіліся два дарэвалюцыйныя цагляныя будынкі па вуліцы Вялікая Грамадзянская.
Аднаму будынку не пашанцавала. Ён доўгія гады стаяў пустым, ва ўладаў не было грошай, інвестараў таксама не назіралася. У спіс гісторыка-культурных каштоўнасцяў будынак не ўнеслі.
У выніку ў 2016-м яго знеслі. Будынак былой сінагогі зацікавіў інвестара, які вырашыў адкрыць у ім рэстаран. Над рэстаўрацыяй працавалі спецыялісты Беларускага добраахвотнага таварыства аховы помнікаў гісторыі і культуры.
Рэстаран плануюць адкрыць у наступным годзе.
Каментары