Наступствы «дэльты»: Cмяротнасць у Маскве ў ліпені вырасла на 60% да мінулага года
Колькасць смерцяў у Маскве ў ліпені вырасла на 60% у параўнанні з тым жа месяцам мінулага года. Дэпартамент аховы здароўя другі месяц запар адзначае негатыўныя наступствы анамальнай спякоты: яна ўплывае на цяжкасць кавіду, а таксама прыводзіць да абвастрэння захворванняў сардэчна-сасудзістай сістэмы.
У ліпені ў Маскве зарэгістравалі 17 237 смерцяў, паведамляецца на сайце гарадскога дэпартамента аховы здароўя. У параўнанні з ліпенем мінулага года смяротнасць вырасла на 6464 выпадкі — гэта значыць на 60%.
Такая дынаміка звязана з рэзкім ростам захворвання ў сувязі з распаўсюджваннем новага штаму кавіду ў чэрвені, а таксама анамальна гарачым надвор'ем у горадзе апошнія месяцы. Анамальная спякота негатыўна ўплывала на цяжкасць COVID-19, яго наступствы і прывяла да абвастрэння захворванняў сардэчна-сасудзістай сістэмы.
Страта вадкасці ў арганізме і павелічэнне вязкасці крыві з прычыны спякоты могуць прыводзіць да рэзкага павышэння рызыкі тромбаўтварэння, падзення ціску і інсульту.
У ліпені COVID-19 стаў асноўнай або спадарожнай прычынай смерці ў 6583 выпадках (38% смерцяў за месяц).
Нагадаем, у Расіі для вакцынацыі выкарыстоўваюцца вакцыны выключна расійскай вытворчасці. На 13 жніўня ў Маскве мінімум адну дозу вакцыны атрымалі 43.3% дарослых.
Цяпер чытаюць
Былы беларускі ваяр суткі катаваў свайго сябра, а пасля забіў сябе11
Каментары