17 верасня ў Пецярбургу мае адбыцца суд па справе экстрадыцыі ў Беларусь маладзечанца Сяргея Непагоды, якому на радзіме пагражае да 6 гадоў пазбаўлення волі.
Пра гэта «Свабодзе» паведамілі прадстаўнікі беларускай дыяспары ў Пецярбургу.
Сяргея Непагоду затрымалі 16 верасня на выхадзе са следчага ізалятара.
Удзельнік пратэстаў у Маладзечне быў затрыманы ў Пецярбургу ў сакавіку. 41-гадовы мужчына ўцёк з Беларусь летась, пасля таго як 19 чэрвеня 2020-га паспрабаваў адбіць у сілавікоў удзельніка акцыі на скрыжаванні вуліц Вялікі Гасцінец і Багдана Хмяльніцкага ў Маладзечне.
Экстрадзіруюць таксама Уладзіслава Чакалава. У Беларусі на мужчыну заведзеная крымінальная справа за фінансаванне пратэснай дзейнасці.
Нагадаем, што раней былі экстрадзіраваны з Расіі баксёр Аляксей Кудзін з Маладзечна і берасцеец Вадзім Дубоўскі. Кудзін, што быў у вышуку, атрымаў тры гады калоніі.
Цяпер чытаюць
У базе сілавікоў «БЕСпарадкі» больш за 100 тысяч чалавек22
У базе сілавікоў «БЕСпарадкі» больш за 100 тысяч чалавек
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары