Здарэнне адбылося каля вёскі Азярцо. У бальніцу 58-гадовы мужчына трапіў з цяжкімі траўмамі галавы.
Міліцыі мужчына распавёў, што збіраў грыбы. Да яго падышлі два незнаёмыя маладзёны, завязалася размова.
Затым паміж мужчынам і адным з хлопцаў паўстаў канфлікт. Малады чалавек нанёс грыбніку некалькі ўдараў рукамі і нагамі па галаве, а затым зняў з рукі залаты пярсцёнак коштам 500 рублёў, як паведамляе БелТА.
Міліцыя высветліла, што злачынства здзейсніў 27-гадовы мінчук, раней яго судзілі за рабаванне.
Як патлумачыў хлопец, пярсцёнак ён здаў у ламбард, а грошы патраціў.
Завялі крымінальную справу па ч. 3 арт. 207 (Разбой), санкцыя прадугледжвае да 15 гадоў турмы.
Каментары