Дзяржаўны пагранічны камітэт Беларусі папярэджвае аб часовых цяжкасцях з пропускам транспарту з Латвіі ў Беларусь у пункце пропуску «Сілене — Урбаны». Аб гэтым карэспандэнту БЕЛТА паведаміў начальнік прэс‑цэнтра пагранічнага ведамства Аляксандр Цішчанка.
«Цяпер узніклі часовыя цяжкасці з афармленнем транспарту на ўезд у Беларусь і выезд з Латвіі ў пункце пропуску «Сілене — Урбаны». На латвійскім боку назбіралася амаль 50 машын», — сказаў ён.
У сувязі з існуючай сітуацыяй Дзяржпагранкамітэт прапануе вадзіцелям выкарыстоўваць таксама пункт пропуску «Патэрніекі — Грыгараўшчына».
«З беларускага боку праблемы пропуску транспарту няма», — дадаў Аляксандр Цішчанка.
Цяпер чытаюць
«Часцей за ўсё жучок ставяць недалёка ад разетак». Як сілавікі праслухоўваюць беларусаў па тэлефоне і ў кватэрах13
Каментары