Грамадства

«Напісала, што ён абаср…ся і абняславіўся». На маці-адзіночку з Івацэвічаў зноў завялі справу за абразу міліцыянера

На Вольгу Кронду, якая жыве ў Івацэвічах і адна гадуе дзіця, завялі новую крымінальную справу паводле 369-га артыкулу за зьнявагу міліцыянта Івацэвіцкага РАУС Руслана Куцко, піша Свабода.

У жніўні 33-гадовую Вольгу Кронду ўжо судзілі за абразу гэтага ж міліцыянта. Справу разглядалі ў закрытым працэсе на просьбу пацярпелага. Тады падставай для перасьледу сталі некалькі смайлікаў «какашка», якія жанчына пакінула пад фатаздымкам міліцыянта.

Суд пакараў яе двума гадамі хатняй «хіміі», таксама яна мусіць выплаціць сілавіку 2000 рублёў у якасьці маральнай кампэнсацыі.

Чытайце падрабязней:

Маці-адзіночцы з Івацэвічаў пагражае 3 гады хіміі — за смайлікі з гаўняшкай

Праз смайлік з гаўняшкай пад пастом пра міліцыянера ў маці-адзіночкі апісалі лядоўню, пральную машыну і тэлевізар

Суд над маці-адзіночкай з Івацэвічаў за смайлік-гаўняшку зрабілі закрытым

Вольга абскардзіла гэты прысуд, але 28 верасьня абласны суд пакінуў яго ў сіле.

Цяпер жанчына папрасіла суд даць ёй магчымасьць выплачваць кампэнсацыю міліцыянту ў растэрміноўку, бо ня мае такіх грошай. Яна працуе рамесьніцай, гадуе чатырохгадовую дачку.

Сьледчы выдаў Вользе Крондзе пастанову пра абмежаваньне выезду за межы Беларусі. Хаця выезд і так быў абмежаваны яшчэ ў красавіку ў сувязі з адбыцьцём ёю «хіміі».

Цяпер жанчына зноў зьяўляецца падазраванай у злачынстве паводле 369-га артыкулу Крымінальнага кодэксу. Як гаворыцца ў дакумэнце, 3 і 4 жніўня, знаходзячыся ў кватэры, праз тэлефон у тэлеграм-канале «Салідарнасьць. Івацэвічы» яна разьмясьціла публікацыі, якія «прыніжаюць гонар і годнасьць асобы прадстаўніка ўлады, опэрупаўнаважанага Івацэвіцкага РАУС Руслана Куцко ў сувязі з выкананьнем ім службовых абавязкаў».

«Калі мне вынесьлі прысуд у жніўні ў івацэвіцкім судзе, я пакінула 4 жніўня ў тэлеграм-канале зварот да гэтага Куцко і напісала, што ён «абаср…ся і абняславіўся». 19 жніўня днём мяне зь дзіцем вылавілі ў горадзе, у банку, пасадзілі ў машыну, прывезьлі дадому, зрабілі ператрус. Зноў забралі тэлефон на экспэртызу, — кажа Вольга. — І вось на мінулым тыдні ў сераду прыйшоў сьледчы з позвай на допыт у пятніцу 8 кастрычніка».

Вольга адмовілася ад дачы паказаньняў. Падчас размовы сьледчы не дазволіў ёй зрабіць аўдыёзапіс на тэлефон. Яна даведалася, што пакрыўджаны міліцыянт зноў напісаў на яе заяву, а 17 жніўня зрабілі экспэртызу яе камэнтароў.

«Паводле экспэртызы, якую праводзілі ў Берасьці, знайшлі зьнявагу, прыніжэньне гонару і годнасьці ў слове «абаср…ся», — кажа Вольга. — Цяпер мне сказалі празь месяц чакаць выкліку. Я ў шоку, што ён напісаў паўторную заяву. Я напісала зварот у агульным чаце, пры чым тут выкананьне службовых абавязкаў? Я яму напісала як чалавеку. Я напісала, што ня згодная з экспэртызай, што ў слове «абаср…ся» я ня бачу зьнявагі і прыніжэньня гонару і годнасьці», — кажа Вольга Кронда.

Каментары

Цяпер чытаюць

Дык усё ж ці бяспечны Telegram і для якіх мэтаў бяспечны? Вось што ясна на сёння19

Дык усё ж ці бяспечны Telegram і для якіх мэтаў бяспечны? Вось што ясна на сёння

Усе навіны →
Усе навіны

Маркелаў, Нагорная і Гудзілін адкрываюць у Вільні прастору з лазняй7

Мядзінскі хоча адправіць генсаку НАТА падручнік гісторыі, каб даказаць, што «Украіны ў XII стагоддзі не было»15

У Эстоніі супрацоўніцу «Расіі сегодня» асудзілі на шэсць гадоў за дзяржздраду2

Яшчэ адно вялікае скарачэнне ў беларускім геймдэве2

Больш за 50 еўра за 180 км дарогі. Чаму растуць цэны на аўтобусныя квіткі з Менску ў Вільню12

Не ігнаруйце гэтыя змены скуры — яны могуць сведчыць пра пачатак дыябету6

Пасол Венгрыі па-майстэрску сыграла на аргане ў касцёле ў Магілёве3

Прэзідэнт Сербіі Вучыч упершыню з пачатку вайны наведаe Украіну1

Аўтобус з 22 пасажырамі, мікрааўтобус і легкавы аўтамабіль патрапілі ў ДТЗ на трасе М-1 у Баранавіцкім раёне. Ёсць загінулы1

больш чытаных навін
больш лайканых навін

Дык усё ж ці бяспечны Telegram і для якіх мэтаў бяспечны? Вось што ясна на сёння19

Дык усё ж ці бяспечны Telegram і для якіх мэтаў бяспечны? Вось што ясна на сёння

Галоўнае
Усе навіны →

Заўвага:

 

 

 

 

Закрыць Паведаміць