У межах расcледавання «беларускага следу» ў забойстве Паўла Шарамета фігуруюць два сведкі
Колішні міністр унутраных справаў Украіны Арсен Авакаў заяўляе, што падазраваныя ў забойстве журналіста Паўла Шарамета маглі супрацоўнічаць з СБУ і не ведаць, супраць каго іх выкарыстоўваюць у падрыхтоўцы і арганізацыі злачынства, піша Радыё Свабода.
«Маё меркаванне, што ўсе гэтыя людзі былі выканаўцамі. І менавіта гэты эпізод і накіравалі ў суд — што яны выканаўцы. Яны маглі ведаць, а маглі і ня ведаць да канца, у дачыненьні каго яны гэта робяць. Хто ім гэтую справу заказаў, паводле якой працэдуры — гэта асобная размова. Яна выдзеленая ў асобную вытворчасьць», — сказаў Арсен Авакаў у інтэрв'ю «Украінскай праўдзе».
Экс-міністр дадаў, што ў расследаванні імавернага «беларускага следу» ў следства ёсьць два сведкі.
«Калі датычна заказчыка, калі датычна беларускага следу, які атрымаў сваё развіццё, у нас з'явіліся два сведкі, якія пачалі дадаткова даваць паказанні. Гэта таксама вывучаецца».
Аднак ён не ўдакладніў прозвішчы гэтых сведкаў. Раней статус сведкі ў гэтай справе атрымаў былы намесьнік камандзіра баявой групы «Алмаз» Ігар Макар. Яго дапыталі сёлета ў студзені пасьля публікацыі гуказапісу 2012 года, у якім фігуруюць беларускія спецслужбы.
Цяпер чытаюць
Лукашэнку на свяце ў Александрыі суправаджала афіцэр Зайцава10
Каментары