Блогера і актывіста абвінавачваюць па чатырох артыкулах Крымінальнага кодэкса. Працэс праходзіць у Мінскім гарадскім судзе. Эдуарду пагражае да 12 гадоў турмы.
Сёння пачаўся суд над вядомым блогерам Эдуардам Пальчысам.
У тг-каналах з’явілася інфармацыя, што Эдуард Пальчыс заявіў адвод суду і адмовіўся ўставаць. «Я не лічу гэта судом», — сказаў ён. Суддзя Пётр Арлоў зрабіў пасяджэнні закрытымі.
Пальчыса абвінавачваюць па наступных артыкулах Крымінальнага кодэкса:
• ч. 3 арт. 130 (наўмысныя дзеянні, накіраваныя на ўзбуджэнне іншай сацыяльнай варожасці і варожасці па прыкмеце іншай сацыяльнай прыналежнасці, учыненыя групай асоб, якія прывялі да іншых цяжкіх наступстваў);
• ч. 1 арт. 293 (арганізацыя масавых беспарадкаў);
• ч. 1 арт. 342 (арганізацыя дзеянняў, якія груба парушаюць грамадскі парадак);
• ч. 3 арт. 361 (заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь).
Паводле СК, асноўнай зброяй Пальчыса з'яўляліся створаныя і кіраваныя ім інтэрнэт-рэсурсы, у тым ліку тэлеграм-канал і старонкі ў сацыяльных сетках, якія «захапілі большую частку аўдыторыі краіны, іх давер і выкарыстоўваліся для кіравання свядомасцю натоўпу, скланення да запланаваных злачынных дзеянняў».
Як расказвала раней жонка Эдуарда Вікторыя, аптымізму ў яе наконт суда няма. «Я разумею, што яму дадуць гадоў 7—10. І сапраўды, трэба настройвацца на вялікі тэрмін, так будзе лягчэй з усім спраўляцца, і настройваюся на горшае».
Эдуард Пальчыс быў затрыманы ў верасні 2020 года і першапачаткова асуджаны на 30 сутак, аднак праз месяц яго не выпусцілі, а выставілі абвінавачванне ў «арганізацыі масавых беспарадкаў» па ч. 1 арт. 293 КК. Потым дадалі яшчэ тры крымінальныя артыкулы.
Вікторыя Пальчыс увосень 2020 года пакінула краіну, у снежні ў яе нарадзілася дачка.
«Прагнозы несуцяшальныя, на малы тэрмін не варта разлічваць». Вікторыя Пальчыс рыхтуецца да суда над мужам Эдуардам
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары