Яго праводзілі бурнымі апладысментамі і са слязамі на вачах. Дзе цяпер доктар Аляксандр Мрочак?
Летась па ініцыятыве Міністэрства аховы здароўя Аляксандра Мрочака звольнілі з пасады дырэктара РНПЦ «Кардыялогія». Народная Воля» пацікавілася, чым цяпер займаецца вядомы кардыёлаг, доктар медыцынскіх навук, прафесар, спецыяліст вышэйшай катэгорыі.
— Аляксандр Генадзевіч, чым вы цяпер займаецеся, калі не сакрэт?
— Усё банальна проста: я на пенсіі.
— Можа, недзе кансультуеце ці навуковай дзейнасцю займаецеся?
— Не.
— У вас жа імя, аўтарытэт! Няўжо не паступала ніякіх прапаноў па рабоце?
— Былі. Але не з дзяржаўных клінік.
— А чаму не пагадзіліся на кансультацыі, напрыклад, у тым жа «ЛАДЭ» або любым іншым медцэнтры?
— Ёсць дабаўка за доктарскую ступень, і калі яе атрымліваць, то нельга нідзе працаваць. Я не хацеў яе губляць.
— Гэта нейкая значная сума?
— Не, крыху больш за 500 рублёў.
— Калі б працаўладкаваліся, у грошах, напэўна, выйгралі б.
— Вядома. Але я так вырашыў.
— Вам летась падпалілі дачу. Ці знойдзеныя тыя, хто гэта зрабіў, і ці скончылася расследаванне па гэтай справе?
— Не скончылася.
Крымінальную справу прыпынілі, а таго, хто гэта зрабіў, не знайшлі.
— Вы казалі, што хварэлі. Каранавірус?
— Не, на кавід я перахварэў яшчэ вясной. І, дарэчы, потым вельмі няўтульна сябе адчуваў. Гэта была адна з прычын, чаму я не пайшоў на працу.
— Вы былі прышчэпленыя ці не?
— Ужо пасля прышчапіўся.
— Падчас хваробы ў бальніцу не патрапілі?
— Не, дома адляжаўся. Перанёс нібыта адносна лёгка, але потым сутыкнуўся з посткавіднай рэчаіснасцю. Напрыклад, прабегчыся трэба, а ў цябе такая аддышка!
— Цяпер ужо адпусціла? Кажуць жа, што посткавідны сіндром можа цягнуцца доўга…
— Ёсць нейкія нюансы, але з іншага боку — і ўзрост ужо! Ідзі разбярыся, што ад чаго.
— Зʼязджаць з краіны не плануеце? Калі не памыляюся, у вас сын у Іспаніі жыве…
— Магчыма, да сына паеду. Але пакуль тут…
Калектыў РНПЦ «Кардыялогія» вітаў звольненага лукашэнкаўцамі дырэктара Мрочака 4-хвіліннай авацыяй. А Піневічу зладзілі абструкцыю
«Звальняючы такіх ікон, як Мрочак і Мартаў, сістэма паскарае ад'езд тых, хто яго адкладваў»: чысты адток медыкаў толькі за студзень — 724 чалавекі
Апальнаму акадэміку Мрочаку падпалілі дачу, пакінулі запіску з пагрозамі і акрываўленую ляльку
30 чалавек дапамагалі кардыёлагу Аляксандру Мрочаку разбіраць спаленае лецішча. Сярод іх акадэмік і прафесар
Цяпер чытаюць
Заснавальнік дабрачынных фондаў для дапамогі дзецям Лысянкоў дабегаўся — яго затрымаў ДФР3
Каментары