Грамадства

На канале АНТ выйшаў 15-хвілінны сюжэт «Таямніцы рэйса Афіны — Вільня». Ці раскрываюцца там якія таямніцы?

Выхад 15-хвіліннага расследавання «Таямніцы рэйса Афіны — Вільня. Новыя падрабязнасці скандалу з бортам Ryanair» — спроба даць адказ на месячнай даўніны публікацыі ў амерыканскай і польскай прэсе, якія падрыхтавалі, як сцвярджаецца ў сюжэце, «супрацоўнікі польскіх спецслужбаў» і пры падрыхтоўцы якіх былі выкарыстаныя сведчанні дыспетчара Алега Галегава, якому ўдалося выехаць з Беларусі.

Нейкіх новых фактаў і дакументаў, якія паказвалі б сітуацыю з прынцыпова іншага боку, стваральнікі «расследавання» не прадставілі. У асноўным стаўка зроблена на вусныя сведчанні розных людзей, якім трэба верыць на слова.

Як мінімум палову сюжэта ў кадры знаходзіцца дырэктар дэпартамента па авіяцыі Міністэрства транспарту і камунікацый Арцём Сікорскі, які расказвае пра тое, што пілот самалёта Ryanair, маўляў, нават не збіраўся сядаць у Вільні, а адразу нацэльваўся на Мінск. Што пра наяўнасць на борце Пратасевіча з Сапегай беларускія спецслужбы не маглі ведаць, бо адкуль. «Чаму паляцеў самалёт у Мінск, трэба спытаць самога пілота і дыспетчарскую службу Вільні», а запісаў перамоваў паміж пілотам, дыспетчарскай і авіякампаніяй ніхто, маўляў, пакуль не прадставіў. Ды і сам пілот невядома куды дзеўся, і справаздачы Міжнароднай арганізацыі па грамадзянскай авіяцыі ўсё няма. 

Стваральнікі расследавання хочуць давесці, што матэрыялы перамоваў паміж пілотам самалёта Ryanair і беларускімі дыспетчарамі — мантаж. Але ніякіх асаблівых доказаў гэтаму не прыводзяць. Лічаць, відаць, што для асноўнай аўдыторыі роліка будзе дастаткова таго, што гэта ў кадры пацвярджае намеснік начальніка Упраўлення Следчага камітэта па Мінску Андрэй Матолька. 

Праўда, аспрэчваючы тое, што дыспетчар Галегаў падчас пасадкі самалёта ў Мінску ўзгадняў свае дзеянні з супрацоўнікам КДБ, голас якога чуваць на аўдыязапісе, стваральнікі сюжэта толькі словамі не абмежаваліся, а назвалі і нават паказалі таго, каму нібыта належыць той голас.

Гэта быў, як сцвярджаецца, начальнік Галегава, кіраўнік палётаў на ягонай змене, завуць якога Яўген Цыганоў. Цыганоў сам выступае ў сюжэце і ўсё пацвярджае. На пытанне, ці не афіцэр ён КДБ, адказ адмоўны — маўляў, і адукацыя ў яго спецыяльная авіяцыйная, і працуе з 2000 года ў «Белаэранавігацыі».

Далей аспрэчваецца тое, што Галегаў перабраўся ў Польшчу непасрэдна з Беларусі «разам з мігрантамі»: такая фармулёўка часта сустракалася ў паведамленнях розных СМІ. Аўтары «расследавання» дастаткова доўга даказваюць, што ён паехаў у адпачынак разам з сям'ёй на радзіму ў Грузію, паказваецца ягоная заява на адпачынак і кадры з аэрапорта, дзе чалавек, падобны на Галегава, праходзіць кантроль, збіраючыся некуды ляцець. Сцвярджаецца, што ў Тбілісі. Ну, а «прыляцеўшы туды, стаў вельмі ўразлівым у тым ліку і для польскай разведкі».

Але як менавіта выехаў Галегаў з Беларусі — сюжэт дастаткова другасны, і нават калі аўтары расследавання маюць тут рацыю, то прынцыпова гэта нічога не мяняе. 

Польскія спецслужбы: Самалёт з Пратасевічам дапамагаў саджаць афіцэр КДБ. А што казалі беларусы?

Польскія спецслужбы прадставілі сваю версію інцыдэнту з самалётам Ryanair

New York Times: Авіядыспетчар збег з Беларусі ў Польшчу і расказаў пра пасадку Ryanair

Крыніцы: дыспетчар, які садзіў самалёт з Пратасевічам, з’ехаў разам з сям’ёй

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Што IT-бізнэс думае пра Ганну Рабаву, новую кіраўніцу Парка высокіх тэхналогій?6

Што IT-бізнэс думае пра Ганну Рабаву, новую кіраўніцу Парка высокіх тэхналогій?

Усе навіны →
Усе навіны

Ціханоўская павіншавала Наўроцкага з абраннем на пост прэзідэнта Польшчы22

Лукашэнка паляцеў у Кітай. Гэта сустрэча павінна была адбыцца яшчэ ў студзені3

З'явіліся першыя спадарожнікавыя здымкі авіябазы «Белая», на якіх відаць наступствы атакі СБУ2

Сцяпан Пуціла: У час пратэстаў нас чатыры чалавекі ў рэдакцыі было. І дзвесце паведамленняў на хвіліну17

«Яны ўсе сябравалі супраць мяне». У Мінску судзяць мужчыну за лжывыя даносы на канкурэнтаў1

Апублікаваны поўны тэкст мірных прапаноў Украіны, якія Кіеў прадставіць на перамовах у Стамбуле7

Украіна перадала свой мемарандум Расіі на ўкраінскай і англійскай мовах4

Як выглядае самая недарагая кватэра ў сэрцы Мінска. Усяго за 295 тысяч даляраў1

Падарожнік з Казахстана расказаў, як прарываўся праз мяжу Беларусі і ЕС. Атрымалася толькі з трэцяй спробы7

больш чытаных навін
больш лайканых навін

Што IT-бізнэс думае пра Ганну Рабаву, новую кіраўніцу Парка высокіх тэхналогій?6

Што IT-бізнэс думае пра Ганну Рабаву, новую кіраўніцу Парка высокіх тэхналогій?

Галоўнае
Усе навіны →

Заўвага:

 

 

 

 

Закрыць Паведаміць