Таццяну Канеўскую перавялі з калоніі ў «крытую» турму. Але адмовіліся сказаць адвакату, куды менавіта
Таццяну Канеўскую перавялі з калоніі ў «крытую» турму. Чаму так здарылася, невядома. Дзе менавіта знаходзіцца палітзняволеная, адміністрацыя калоніі адвакату сказаць адмовілася.
Сыны 55-гадовай палітзняволенай з Гомеля паведамілі, што перавод маці быў для іх «нечаканым і незразумелым».
Канеўская адбывала пакаранне — 6 гадоў пазбаўлення волі — у гомельскай жаночай калоніі № 4 за ўдзел у масавых пратэстах. Адміністрацыя калоніі адмовілася паведаміць адвакату, куды менавіта перавялі яе падабаронную.
У Беларусі для жанчын гэта можа быць турма ў Жодзіне, Магілёве ці Гродне. Там зняволеныя не маюць магчымасці выходзіць на працу, утрымліваюцца ў камерах, маюць абмежаванні на лісты, спатканні і перадачы. Такія захады прымяняюць да «парушальнікаў правілаў унутранага ўтрымання» калоній. Вядома, што ў лістападзе Таццяну Канеўскую на 20 дзён змяшчалі ў штрафны ізалятар.
Таццяна Канеўская — адна з лідарак кампаніі «Маці 328», якая змагалася супраць працяглых тэрмінаў для затрыманых паводле наркатычных артыкулаў Крымінальнага кодэкса, актывістка БХД.
У 2020 годзе Таццяна Канеўская была даверанай асобай Святланы Ціханоўскай на прэзідэнцкіх выбарах. 8 жніўня 2020 года, за дзень да асноўнага галасавання, яе затрымалі. У Канеўскай — чатыры сыны. Увесну мінулага года аднаго з іх, Змітра, зняволілі на 3 гады за негатыўны каментарый на адрас міліцыі ў тэлеграм-канале. У лістападзе-снежні 2021 года яе сын Аляксей адсядзеў 30 сутак за тое, што з’явіўся ў судзе, дзе быў сведкам, у масцы з надпісам «Сумленныя людзі». Суд палічыў гэта пікетам.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х66
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х6
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары