Самалёт прэзідэнта Францыі Эмануэля Макрона, які накіроўваецца ў Маскву на перамовы з Уладзімірам Пуціным, абляцеў тэрыторыю Беларусі.
Пра гэта сведчаць звесткі сайта Flight Radar, на якія звярнулі ўвагу журналісты радыёстанцыі «Маяк».
Пілот выбраў маршрут праз паветраную прастору суседніх Літвы і Латвіі на шляху ў расійскую сталіцу.
Перамовы лідараў дзвюх краін пачнуцца 7 лютага каля 17:00 па мінскім часе. У Крамлі асноўнымі тэмамі перамоваў Пуціна з Макронам назвалі сітуацыю вакол Украіны і гарантыі бяспекі. Плануецца, што потым Макрон паляціць у Кіеў.
Нагадаем, што ЕС забараніў еўрапейскім авіякампаніям здзяйсняць палёты над Беларуссю пасля інцыдэнту з самалётам кампаніі Ryanair Афіны — Вільня, які прымусова пасадзілі ў Мінску 23 мая, пасля чаго былі затрыманыя Раман Пратасевіч і Сафія Сапега.
Цяпер чытаюць
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары