Дзяржсакратар ЗША Блінкен: Украіна можа даць Данбасу асаблівы статус. Але толькі пры пэўных умовах
У Вашынгтоне лічаць, што Украіна гатовая рухацца наперад у пытанні выканання Менскіх пагадненняў, у тым ліку і адносна надання Данбасу асаблівага статусу. Але толькі тады калі Расея выканае сваю частку абавязальніцтваў. Пра гэта заявіў дзяржаўны сакратар ЗША Энтані Блінкен падчас сумеснага брыфінгу з віцэ-прэзідэнтам Еўрапейскай камісіі Жазэпам Барэлем, піша УНІАН.
Па словах дзяржсакратара ЗША, калі Расія сур'ёзна ставіцца да выканання «Мінскіх пагадненняў», то яна «знойдзе моцнага партнёра» ў асобе краін нармандскай чацвёркі. Блінкен таксама дапусціў, што Данбасу будзе дадзены асаблівы статус. Але для гэтага мусіць выканаць пастаўленыя ёй умовы Расія.
Блінкен таксама адзначыў, што
Украіна рухаецца наперад і за гэтыя гады выканала «большасць, калі не ўсе» ўмовы Мінскіх пагадненняў. У той жа час з боку Расіі не было практычна нічога зроблена ў гэтым кірунку.
«У Мінскіх пагадненнях гаворка ідзе пра асаблівы статус Данбаса і я лічу, што пры належнай чарговасці дзеянняў украінцы будуць гатовыя рухацца наперад», — сказаў Блінкен, яшчэ раз падкрэсліўшы, што менавіта Расія не выконвае свае абавязацельствы. Гэта, у прыватнасці, вяртанне Украіне кантролю над мяжой, пытанні бяспекі і спыненне тых эскалацыйных дзеянняў, якія працягваюць рабіць расійскі бок і ягоныя баевікі.
Чытайце таксама:
На сустрэчы «нармандскай чацвёркі» хочуць вызначыць дату перамоваў Украіны з «ЛНР» і «ДНР»
Давід і Галіяф: параўноўваем сілы расійскай і ўкраінскай армій
Байдэн, Джонсан і лідары краін ЕС абмеркавалі беспрэцэдэнтны пакет санкцый супраць Расіі
Энтані Блінкен: Перасячэнне мяжы Украіны любымі расійскімі ўзброенымі сіламі будзе лічыцца ўварваннем
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна11
Каментары