«Імператар, які захапіўся гісторыяй. Світа з ампутаванай думкай і воляй». Юрый Дудзь рэзка выказаўся пра палітыку Пуціна
Журналіст Юрый Дудзь асудзіў палітыку Расіі адносна Украіны на фоне прызнання Крамлём суверэнітэту «ЛНР» і «ДНР».
У сябе ў Інстаграме Дудзь так апісаў пасяджэнне расійскай Рады бяспекі, на якім найвышэйшае кіраўніцтва краіны раіла Уладзіміру Пуціну прызнаць «ДНР» і «ЛНР»:
«Імператар, які захапіўся гісторыяй. Світа з ампутаванай думкай і воляй. Прапагандысцкі эскорт, які так складна і так салодка ўхваляе вайну з цёплых сталічных кватэр. Ну і рашэнні, якія ўся гэтая тусоўка прымае. Рашэнні — не на тое, каб канвертаваць прыродныя рэсурсы ў дабрабыт Варонежа, Камчаткі, Нікеля і Запалярнага, а каб багацець самім і даўжэй ва ўпраўленні гэтымі рэсурсамі заставацца. Гэтую ўладу я не выбіраў, яе імперскі шал я не падтрымліваў».
Я вырас у Расіі, Расія — мая Радзіма, я з пяшчотай і любоўю нашу трыкалор на перадплеччы. Але Украіне, радзіме родных і дому сяброў, — мая максімальная падтрымка ў гэтыя дні. Расіі, Украіне, міру — мір».
Цяпер чытаюць
Як журналістка «Нашай Нівы» шукала пару на праваслаўным сайце знаёмстваў. Падкаціў і Талай28
Каментары