Прэзідэнт Літвы — Блінкену: Калі хочам пазбегнуць Трэцяй сусветнай, мы павінны дапамагчы Украіне ўсімі магчымымі спосабамі
Прэзідэнт Літвы Гітанас Наўседа падчас сустрэчы з дзяржсакратаром ЗША Энтані Блінкенам абмеркаваў пытанні бяспекі ў рэгіёне, у прыватнасці агрэсію Расіі супраць Украіны, адзначыўшы, што Украіне трэба дапамагаць усімі магчымымі спосабамі, у тым ліку вайскоўцамі.
Пра гэта паведамляе нацыянальнае літоўскае тэлерадыёвяшчанне LRT.
«Мы павінны дапамагчы Украіне усімі магчымымі спосабамі, у тым ліку і вайскоўцамі. Калі мы хочам пазбегнуць Трэцяй сусветнай вайны, мы павінны зрабіць гэта цяпер. Расія з'яўляецца доўгатэрміновай пагрозай для саюзнікаў НАТА і бяспекі Еўропы ў цэлым. Гэтая пагроза захаваецца незалежна ад заканчэння ваеннага ўварвання Расіі ва Украіну. Мы павінны сур'ёзна падрыхтавацца да абароны», — сказаў Наўседа.
На сустрэчы абмяркоўвалася неабходнасць павышэння абароназдольнасці ў Балтыйскім рэгіёне, у тым ліку супрацьпаветранай, і падкрэслівалася важнасць узмацнення вайсковай прысутнасці ЗША ў Літве і краінах Балтыі. На думку кіраўніка дзяржавы, перад расійскай ваеннай пагрозай стратэгіі эфектыўнага стрымлівання ўжо недастаткова, яе неабходна замяніць стратэгіяй поўнай гатоўнасці да абароны. Літва гатовая прыняць ратацыйныя сілы ЗША на пастаяннай аснове, а таксама дадатковыя войскі ЗША, забяспечыўшы неабходную падтрымку.
Наўседа падкрэсліў, што для Літвы вельмі важна і ў далейшым развіваць стратэгічнае партнёрства з ЗША ў сферы бяспекі і абароны, забяспечваць хуткае выкананне сваіх абавязацельстваў у галіне нацыянальнай абароны.
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары