Паводле прыкладных ацэнак, у Марыупалі з моманту пачатку блакады (з 1 сакавіка) загінула ўжо пяць тысяч чалавек, з іх 210 — дзеці. Пра гэта паведаміў мэр горада Вадзім Бойчанка ў эфіры нацыянальнага тэлемарафона, піша «Украінская праўда».
Жанчына з дзіцём, эвакуяваныя з Марыупаля, на вакзале ў Запарожжы. Фота: AP/Evgeniy Maloletka
Дакладную колькасць ахвяр устанавіць пакуль немагчыма, лічбы ацэначныя.
Паводле інфармацыі мэра горада, з пачатку блакады эвакуяваць з Марыупаля атрымалася каля 150 тысяч чалавек, і яшчэ прыкладна 170 тысяч застаецца ў горадзе.
30 тысяч чалавек вывезеныя расіянамі на тэрыторыю Расіі ці самаабвешчаных данбаскіх рэспублік.
Таксама Бойчанка адзначыў, што эвакуяваць трэба ўсё насельніцтва Марыупаля. У горадзе пашкоджана 90% будынкаў, цалкам разбурана 40% шматпавярховых жылых дамоў і 40% у прыватным сектары.
Каментары