Польская дзяржаўная нафтагазавая кампанія PGNiG паведаміла, што атрымала ад «Газпрама» ліст аб поўным спыненні паставак газу. Як паведамляецца на сайце польскай нафтагазавай кампаніі PGNiG, у аўторак, 26 красавіка, «Газпрам» праінфармаваў пра намер цалкам прыпыніць пастаўкі па «ямальскім» кантракце з пачатку 27 красавіка.
Таксама PGNiG інфармуе, што на цяперашні момант усе пастаўкі робяцца ёй кліентам у адпаведнасці з іх патрэбамі. Польскія кампаніі — GAZ-SYSTEM і PGNiG — пастаянна манітораць сітуацыю, звязаную са спыненнем паставак з боку «Газпрама».
У PGNiG запэўніваюць, што гатовыя да атрымання газу з розных крыніц, у тым ліку праз газавыя злучэнні на заходняй і паўднёвай межах краіны, а таксама тэрмінал імпарту звадкаванага газу ў горадзе Свінаусце.
«Баланс дапаўняецца ўласнай здабычай газу і запасамі паліва, назапашанымі ў падземных сховішчах газу. Цяпер узровень запаўнення сховішчаў складае каля 80 адсоткаў, што значна вышэй, чым у аналагічны перыяд мінулых гадоў», — гаворыцца ў паведамленні PGNiG.
Раней польскія СМІ паведамлялі, што магчымая прычына прыпынення адгрузкі газу ў тым, што Польшча адмовілася плаціць за яго расійскімі рублямі. Неафіцыйна вядома, што тэрмін разлікаў за газ у расійскай валюце скончыўся ў мінулую пятніцу.
Цяпер чытаюць
Сілавікі выпадкова раскрылі, як менавіта правяраюць тых, каго падазраюць у «экстрэмізме». Спаліўся адзін з адказных за гэта4
Каментары