У Кіеў прыехала спікер Палаты прадстаўнікоў Кангрэса ЗША Нэнсі Пелосі
Пра прыезд Пелосі, які загадзя не анансаваўся, паведаміў у сваім тэлеграм-канале прэзідэнт Украіны Уладзімір Зяленскі. Ён назваў ЗША лідарам у падтрымцы Кіева супраць расійскай агрэсіі і падзякаваў за дапамогу ў абароне суверэнітэту і тэрытарыяльнай цэласнасці Украіны.
Пакуль невядома, якім шляхам Пелосі дабіралася да Кіева. З пачатку вайны там пабывалі многія лідары заходніх краін, у тым ліку тыдзень таму дзяржсакратар і міністр абароны ЗША. Вядома, што ўсе яны ехалі на некалькіх відах транспарту, прычым на апошнім участку — цягніком з Заходняй Украіны да Кіева.
Раней прэзідэнт ЗША Джо Байдэн папрасіў Кангрэс у самыя кароткія тэрміны ўхваліць закон, які дазваляе выдзеліць 33 млрд даляраў на вайсковую дапамогу Украіне, а таксама на эканамічную і гуманітарную падтрымку краіны.
Нагадаем, што 29 красавіка Нэнсі Пелосі сустрэлася ў Вашынгтоне са Святланай Ціханоўскай, якая прылятала ў ЗША на пахаванне былой дзяржсакратаркі краіны Мадлен Олбрайт.
Цяпер чытаюць
Лосік расказаў, як Бабарыку катавалі ў наваполацкай калоніі7
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х77
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х7
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары