Вынесены чарговы прысуд за каментар у бок міліцыянта, што карцінна ўпаў падчас пікета Ціханоўскага
У судзе Баранавіч і Баранавіцкага раёна вынесены прысуд выхавацельніцы дзіцячага садка Святлане Анціпкінай. Суддзя Юліяна Шчэрба прызнала жанчыну вінаватай паводле арт. 369 КК і агучыла прысуд: 1,5 года «хатняй хіміі», піша «Вясна». Абвінавачвалася яна за негатыўны каментар у бок міліцыянта, што апынуўся на зямлі падчас перадвыбарчага пікета ў Гродне 29 мая 2020 года, на якім быў затрыманы Сяргей Ціханоўскі.
Паводле версіі абвінавачання, жанчына ў «Аднакласніках» пакінула «зняважлівы каментар, які ўтрымліваў ненарматыўную форму рэчавага выказвання» пад допісам з фотаздымкам старшага лейтэнанта міліцыі Ленінскага РАУС горада Гродна Уладзіміра Казлоўскага, якога прызналі пацярпелым па справе. Свае маральныя пакуты ад гэтага каментара міліцыянт ацаніў у 1500 рублёў.
Гэта не першы суд пасля падзей 29 мая 2020 года з удзелам Казлоўскага. Ён быў прызнаны пацярпелым на судовых працэсах па справах Дзмітрыя Фурманава, Яўгена Разнічэнкі, Уладзіміра Кнігі, Руслана Літвіна, Андрэя Васілеўскага, Аляксандра Анташкевіча. Агулам яны выплацілі міліцыянту ўжо 5500 рублёў маральнай кампенсацыі.
-
Прадстаўніца Акадэміі навук раскрыла ўзровень нараджальнасці ў Беларусі. Ён жахліва нізкі
-
«Рукі прэч ад сасісачак!». У сацсетках горача абмяркоўваюць барацьбу Лукашэнкі з кавай на запраўках. Некаторыя заклікаюць дзейнічаць больш жорстка
-
«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука
Каментары