Барселона, Інтэр, Дынама Кіеў ды казанскі Рубін.
27 жніўня (чацвер) у швейцарскім Ньёне прайшло лёсаванне групавога турніру футбольнай Лігі чэмпіёнаў. 32 каманды былі разбітыя на восем груп па чатыры каманды ў кожнай. Клубы з адной краіны не маглі трапіць у адну групу.
Група A: «Баварыя», «Ювентус», «Бардо», «Макабі» Хайфа.
Група B: «Манчэстэр Юнайтэд», ЦСКА, «Бешыкташ», «Вольфсбург».
Група С: «Мілан», «Рэал», «Марсель», «Цюрых».
Група D: «Чэлсі», «Порту», «Атлетыка», «АПОЭЛ».
Група E: «Ліверпуль», «Ліён», «Фіярэнціна», «Дэбрэцэн».
Група F: «Барселона», «Інтэр», «Дынама» Кіеў, «Рубін» Казань.
Група G:«Севілья», «Глазга Рэйнджэрс», «Штутгарт», «Уніра» (Румынія).
Група H: «Арсенал», «АЗ Алкмаар», «Алімпіякас», «Стандард».
Першы тур групавога турніру пройдзе 15‑16 верасня, 2‑гі тур — 29‑30 верасня, 3‑ці — 20‑21 кастрычніка, 4‑ты — 3‑4 лістапада, 5‑ты — 24‑25 лістапада, 6‑ты — 8‑9 снежня. Матчы гуляюцца ў аўторкі і серады.
У плей‑оф Лігі чэмпіёнаў (1/8 фіналу) выходзяць па дзве лепшыя каманды з групы. Каманды, што зоймуць трэція месцы, выходзяць у плей‑оф Лігі Еўропы.
Фінал у гэтым сезоне будзе згуляны ў Мадрыдзе, на «Санцьяга Бернабеў» 22 траўня 2010 г.
***
У пятніцу, 28 жніўня, пройдзе лёсаванне групавога турніру Лігі Еўропы, куды можа трапіць і барысаўскі БАТЭ, што сёння ўвечары будзе імкнуцца выйграць у гасцях у балгарскага «Літэкса».
Год таму БАТЭ гуляў у групавым турніры Лігі чэмпіёнаў, заняўшы апошняе чацвертае месца ў сваёй групе. Барысаўцы двойчы саступілі мадрыдскаму «Рэалу» (0:2, 0:1), двойчы згулялі ўнічыю з турынскім «Ювентусам» (2:2, 0:0), згулялі ў Санкт-Пецярбургу ўнічыю з «Зенітам» - 1:1, прайгралі ў Мінску 0:1.
Цяпер чытаюць
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары