Блогеркі масава запісваюць відэа ў шалёнай позе на шпільках. Што адбываецца?
Новы трэнд захапіў сацсеткі. Жанчыны робяць фоты ці запісваюць відэа таго, як яны сядзяць у дзіўнай позе — на кукішках, пры гэтым закінуўшы адну нагу на другую. Як гэта разумець?
Кадры, пра якія ідзе гаворка — частка трэнда пад назвай #nickiminajchallenge. Свет абавязаны ім амерыканскай рэп-спявачцы Нікі Мінаж, а дакладней, яе кліпу 2013 года на песню High School.
У адным з кадраў гэтага роліка Мінаж сядзіць на кукішках на высачэзных абцасах, закінуўшы нагу на нагу. Вось як гэта выглядае:
І хаця відэа ўжо шмат гадоў, тыктокеры нейкім чынам зноў на яго натрапілі, ды яшчэ і ўскладнілі позу: у цяперашнім варыянце трэба падняць адну нагу.
Цяпер блогеркі запісваюць відэа з тым, як яны сядзяць у гэтай позе, і ставяць хэштэг #nickiminajchallenge. Больш вынаходлівыя яшчэ і паказваюць, як яны ў гэтай позе быццам бы нязмушана займаюцца простымі рэчамі — напрыклад, п'юць каву. А самыя арыгінальныя ставяць пад адзіную апорную нагу высокі прадмет накшталт вазы і ўвогуле ладзяць увесь гэты чэлендж на стале, што робіць яго яшчэ менш бяспечным.
Адна з такіх блогерак — беларуска Настасся Камінская. Вось што ў яе атрымалася:
Блогерка і мінская бізнэсвумен Юлія Кабякова зрабіла відэа без абцасаў, але ўсё роўна атрымалася ўражліва:
Па хэштэгу #nickiminajchallenge можна знайсці ў тыктоку шмат іншых варыянтаў той самай позы. Каб паўдзельнічаць, не абавязкова нават адрывацца ад працы:
Часам дзеля яркага роліка даводзіцца прасіць блізкіх пра дапамогу — ці хаця б пра тое, каб не перашкаджалі:
А гэтая блогерка вырашыла запісаць ролік для чэленджу разам са сваёй 62-гадовай мамай. Яна ўпэўнівае, што перагорнутая кніга ў руках яе маці не павінна бянтэжыць — маўляў, жанчына ўмее чытаць і такім чынам:
Калі чэлендж вам спадабаўся, не спяшайцеся запісваць аналагічны ролік — гэта можа быць небяспечна. Прыклад — гісторыя 32-гадовай расіянкі. Жанчына паставіла на стол рондаль, а на рондаль — банку з дзіцячай сумессю, абула шпількі і ўстала адной нагой на гэтую канструкцыю. Але ўтрымацца яна не здолела і ўпала на падлогу. Вынік — пералом хрыбетніка.
«Наша Нiва» — бастыён беларушчыны
ПАДТРЫМАЦЬВыстаўка «Жахлівая прыгажосць» у Мінску — магчыма, самая смелая за апошнія гады
«Мы сустрэлі захад, мы сустрэлі світанак». Жанчына расказала, колькі гадзін стаяла ў чарзе, каб выехаць з Беларусі ў Літву
Заснавальніца прыватнага медцэнтра расказала, як схуднела на 25 кілаграм і ледзь не памерла ад «Аземпіка»
Цяпер чытаюць
Жыгар — Краўцову: Я табе асабіста аплачу квіток да Мінска, там і дамаўляйся з Лукашэнкам!18
Каментары