Стала вядома, што супраць палітвязня Алега Рубца, асуджанага да 5,5 гадоў калоніі, у наваполацкай калоніі №1 узбудзілі крымінальную справу па арт. 411 КК (злоснае непадпарадкаванне патрабаванням адміністрацыі папраўчай установы). Акрамя гэтага, яго хочуць перавесці ў «крытую» турму, паведамляе «Вясна».
Пра гэта Алегу паведамілі 12 мая падчас дысцыплінарнай камісіі ў ПК-1.
У лютым адміністрацыя наваполацкай калоніі закінула палітвязня ў ШІЗА на 40 сутак. Пасля гэтага яго змясцілі ў ПКТ, пазбавілі перадач, званкоў і спатканняў. Аднак, па словах яго блізкіх, хлопец не губляе бадзёрасці духу.
Алега затрымалі 10 жніўня 2020 года за ўдзел у «масавых беспарадках» у ноч з 9 на 10 жніўня ў Пінску (ч. 2 арт. 293 КК). 30 красавіка мінулага года Алегу прысудзілі 5,5 гадоў калоніі ўзмоцненага рэжыму.
Цяпер чытаюць
Як выглядаюць кватэры з сацыяльным рамонтам для чаргавікоў і колькі за іх просяць1
Каментары