У Мінску 11 чэрвеня адкрылася першая рэспубліканская выстава півонь. На ёй можна ўбачыць больш за сто гатункаў гэтых кветак, піша агенцтва «Мінск-Навіны».
Такая выстава ў краіне праходзіць упершыню.
— Кожны дзень працы фестывалю мы дадаём новыя гатункі па меры іх цвіцення. У залах падтрымліваецца камфортная для кветак тэмпература — 16-17°С, — распавядае каардынатар выставы Вікторыя Кукішава.
Акрамя кветак, у выставачных залах прадстаўленыя работы беларускіх мастакоў.
— У Мінску ёсць супольнасць аматараў півонь, дзе людзі абменьваюцца вопытам, дзеляцца сваімі дасягненнямі. Паколькі кантакты адбываюцца толькі ў інтэрнэце, і фота не перадаюць паўнату прыгажосці кветак, вырашылі аб'яднацца і правесці такую выставу. Пасля ўжо вырашылі дапоўніць півоні мастацтвам — атрымаўся вось такі праект, — распавялі ў галерэі.
«Півоневы фэст» у Мінску доўжыцца ўсяго тыдзень. Наведаць выставу ў Мастацкай галерэі «Арцель» можна да 19 чэрвеня з 12:00 да 20:00.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары