Украінскі эксперт пра магчымасць нападу з боку Беларусі: Шанцы не нулявыя
Напад з боку Беларусі наш Генштаб адпрацоўвае яшчэ з 24 лютага. Не толькі ў Чарнігаўскую і Кіеўскую вобласці, дзе расійскае ўварванне было прамое, а і ў іншыя тры вобласці, якія мяжуюць з Беларуссю. Пра гэта ў тэлеэфіры распавёў вайсковы экспэрт з Чарнігава Міхаіл Жырохаў.
Паводле яго слоў, там пастаянна знаходзяцца баявыя брыгады, якія гатовыя да адбіцця атакі з боку Беларусі.
«На сёння гэта не нулявы шанец. Беларусы цяпер праводзяць велізарныя ваенныя вучэнні. Вялікія па мерках Беларусі. Але расійскіх войскаў на тэрыторыі Беларусі цяпер відавочна не дастаткова для таго, каб падтрымаць будучы наступ, калі ён плануецца. Таму няма ніякіх маркераў, з ваеннага пункту гледжання, што ў найбліжэйшыя тыдні сітуацыя можа змяніцца, і беларускія войскі могуць пайсці ў такую самагубную атаку на Украіну», — мяркуе Жырохаў.
Таксама на думку эксперта, у беларусаў няма пакуль ясных мэтаў. «У беларусаў уласных мэтаў няма. Усё, што цяпер ёсць, — гэта падтрымка Расіі, якая ўжо мае вялізныя праблемы з асабістым складам і тэхнікай. Яна хоча прыцягнуць беларускія ўзброеныя сілы — для гэтага Пуцін выкарыстоўвае перш за ўсё эканамічны шантаж.
Цяпер чытаюць
Бабарыка тры хвіліны адказваў на пытанне, чый Крым. Так і не адказаў86
Каментары