Шатландскія дэпутаты згуляюць з беларусамі ў футбол, каб даведацца пра палітвязняў
Беларускую каманду збірае Аляксандр Казлоўскі, які быў спартовым дырэктарам футбольнага клуба «Хартс». Матч пройдзе ў сераду, піша Scotsman.com.
«Народнае консульства Беларусі ў Шатландыі» каардынуе матч, выступаючы супраць пераследу тых, хто пратэстуе супраць кіравання Лукашэнкі. Арганізацыя заклікала прызнаць Беларусь тэрыторыяй, акупаванай Расіяй.
Ліберальна-дэмакратычныя дэпутаты Ліам МакАртур і Вілі Рэні таксама стаяць за арганізацыяй матча, які адбудзецца ў сераду 29 чэрвеня.
«Менавіта з пачаткам вайны супраць Украіны стала відавочна, што рэжым беларускага дыктатара Лукашэнкі страціў кантроль над тэрыторыяй Беларусі, што з'яўляецца найважнейшай прыкметай суверэнітэту любой дзяржавы», — кажа Ірына Маклін, прэс-сакратар Народнага консульства Беларусі ў Шатландыі.
Дэпутат Макартур спадзяваецца, што гульня не толькі дапаможа наладзіць сувязі з беларускай дыяспарай, але і данясе да шатландцаў і асабліва дэпутатаў шатландскага парламента інфармацыю пра цяжкае становішча палітвязняў у Беларусі.
«Міжнародная супольнасць абавязаная ціснуць на беларускую дзяржаву, каб яна спыніла парушэнні правоў чалавека, і праявіць салідарнасць з беларускім народам і яго правамі на мірны палітычны пратэст і свабоду прэсы», — падсумоўвае ён.
-
У Варшаве змяніўся адрас, дзе можна падаць заяву на міжнародную абарону
-
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша
-
«Нашых дзяцей з дзяцінства прывучалі да трансгендарных лялек». Шпілеўская знайшла карысць ад заходніх санкцый
Цяпер чытаюць
Чаму паліграф — не панацэя. Колькі агентаў ён бы выявіў у Каардынацыйнай радзе?22
Каментары