Амбасада ЗША ў Беларусі сумесна з Мінскай абласной публічнай бібліятэкай імя Пушкін ладзіць фотавыставу «Свет вітае паслоў джазу».
Амбасада ЗША ў Беларусі мае гонар прадставіць фотавыставу «Свет вітае паслоў джазу», арганізаваную ў супрацоўніцтве з Мінскай абласной публічнай бібліятэкай імя Пушкіна.
Выстава будзе працаваць з 15 па 25 верасня.
Адмысловая калекцыя фотаздымкаў і дакументаў расказвае гісторыю падарожжаў легендарных амерыканскіх джазавых музыкантаў пад эгідай Дзяржаўнага дэпартамента ЗША. З сярэдзіны 1950-х і да канца 1970-х гадоў Дызі Гілеспі, Луі Армстранг, Дэйв Брубек, Дзюк Элінгтан, Бэні Гудмэн і іншыя зоркі джазу выступалі ў ролі дыпламатаў ад культуры, заваёўваючы сяброў для Амерыкі ва ўсіх кутках Зямлі, уключаючы Беларусь і іншыя савецкія рэспублікі. Для такой дыпламатыі не існавала палітычных, эканамічных і культурных межаў.
Матэрыялы выставы – 55 экспанатаў з фатаграфіямі і архіўнымі дакументамі – дэманструюць яскравыя моманты з турнэ амерыканскіх музыкантаў, якія наведалі 30 краін на чатырох кантынентах, і дазваляюць адчуць унікальную атмасферу гэтай паспяховай дыпламатычнай ініцыятывы. Канцэрты славутых выканаўцаў наведалі мільёны людзей, атрымаўшы асалоду ад мноства разнастайных стыляў і варыяцый выдатнага амерыканскага мастацтва пад назваю джаз.
У межах выставы ў Мінскай абласной публічнай бібліятэцы імя Пушкіна пройдзе шэраг мерапрыемстваў, прысвечаных джазавай музыцы.
15 верасня, 18:00 – «Вэб-навігатар». Агляд джазавых інтэрнет-рэсурсаў.
16 верасня, 18:00 – «Легенды джазу». Паказ дакументальнага фільма з калекцыі Пушкінскай бібліятэкі.
17 верасня, 19:00 – «Вялікія вечары джазу». Жывы джазавы канцэрт.
21 верасня, 18:00 – «Мой джаз». Гутарка з амерыканскім госцем.
22 верасня, 18:00 – «Знаёмства з джазам». Прэзентацыя па гісторыі амерыканскага джазу.
23 верасня, 16:00 – «Гарадская скарбніца джазу». Агляд джазавых рэсурсаў мінскіх бібліятэк.
25 верасня, 16:00 – Джазавы вакальны конкурс «JAmSlam».
Выстава працуе з панядзелка па пятніцу, а таксама па нядзелях, з 10:00 да 19:00 па адрасе: Мінск, Гікала 4. Больш падрабязную інфармацыю можна атрымаць па тэлефоне (172) 293-6924.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»3
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары