ЗША выдзяляюць Украіне новы пакет дапамогі на 400 млн даляраў і дадатковыя HIMARS
ЗША перададуць Украіне яшчэ больш рэактыўных сістэм залпавага агню вялікай далёкасці і новыя высокадакладныя артылерыйскія снарады ў рамках новага пакета ўзбраенняў на 400 мільёнаў даляраў. Пакет будзе ўключаць чатыры высокамабільныя артылерыйскія ракетныя сістэмы, вядомыя як HIMARS, з боепрыпасамі, паведаміў журналістам 8 ліпеня высокапастаўлены амерыканскі чыноўнік са сферы абароны, перадае Радыё Свабода.
Чыноўнік на ўмовах ананімнасці сказаў, што дадатковыя HIMARS дазволяць павялічыць агульную колькасць гэтых сістэм, дасланых у Украіну з мінулага месяца, да 12-ці.
ЗША пачалі адпраўляць сістэмы пасля таго, як атрымалі запэўненні Кіева, што УСУ не будуць выкарыстоўваць іх для паражэння цэляў на тэрыторыі Расіі. Радыус дзеяння РСЗА HIMARS — да 80 км, аднак у пэўнай мадыфікацыі і пры ўмове пастаўкі адпаведных боепрыпасаў ён можа складаць і 300—500 км.
Узброеныя сілы Украіны выкарыстоўвалі HIMARS для ўдару, у прыватнасці, па складах боепрыпасаў. Але УСУ не выкарыстоўвалі іх для ўдараў па-за межамі Украіны, дадаў чыноўнік. Яны «паспяхова наносілі ўдары па расійскіх аб'ектах ва Украіне, глыбей за лініяй фронту, і парушылі здольнасць Расіі праводзіць артылерыйскія аперацыі», падкрэсліў ён.
Гэта мае быць ужо 15-ы пакет ваеннага зброі і тэхнікі, перададзены амерыканцамі Украіне са жніўня мінулага года.
Каментары