Прарасійскі актывіст Лаўрынас Рагельскіс паўстаў перад судом у Вільні па абвінавачванні ў распальванні варожасці і апаганьванні мемарыяла ў памяць аб ахвярах беларускага пратэсту, піша Delfi.
Згодна з матэрыяламі справы, у кастрычніку 2020 года Рагельскіс каля амбасады на вуліцы Міндоўга ў Вільні
здымаў відэа, падчас гэтага кпіў з групы людзей і выклаў запіс у сацыяльныя сеткі. Таксама падазраюць, што Рагельскіс кпіў з удзельнікаў акцыі пратэсту ля амбасады Беларусі і апаганіў мемарыял у памяць аб загінулых — партрэты загінулых ад рук рэжыму.
«Я па-літоўску не разумею, я не разумею абвінавачвання, я лепш разумею па-руску», — сказаў ён на пасяджэнні суда па-руску, хоць са СМІ і іншымі людзьмі ў зале пасяджэння гаварыў па-літоўску.
Ён заявіў у судзе, што з'яўляецца беларусам.
Суддзя Міраслаў Гваздовіч выклікаў у залу перакладчыка.
Рагельскіс спачатку заявіў, што яму не ў той форме падалі дакументы, потым сказаў, што ў яго няма адваката. На пасяджэнне суда з ім прыйшла працаўніца Беларускай абшчыны Галіна Шымановіч.
Суддзя дазволіў абвінавачанаму знайсці адваката і перанёс пасяджэнне на 26 верасня. Пасля заканчэння пасяджэння Рагельскіс зноў загаварыў па-літоўску.
Рагельскіса ў сваім дакладзе аб пагрозах нацбяспекі Літвы згадваў Дэпартамент дзяржбяспекі краіны. Паводле звестак выведкі, гэты чалавек «курыруе антызаходнія і прарасійскія артыкулы на платформе на літоўскай мове», паведамляе Ldiena.lt.
«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца16
Каментары