Беларускія леснікі тушаць трансгранічны пажар, які перайшоў з тэрыторыі Украіны. Пра гэта паведамляе Мінлясгас.
«У гэтыя хвіліны беларускія леснікі тушаць трансгранічны пажар. Агонь перайшоў з тэрыторыі Украіны, — гаворыцца ў паведамленні ў тэлеграм-канале Міністэрства. — Гараць лясы ў Храпуньскім лясніцтве Палескага лясгаса. Спыніць агонь спрабуюць 10 чалавек і 3 ўсюдыходы», — дадалі ў ведамстве.
На працягу апошніх некалькіх дзён на значнай частцы Беларусі захоўваецца надзвычайная пажарная небяспека, у большасці раёнаў краіны забаронена наведванне лясоў.
Каментары