У Беларусь прыляцелі расійскія самалёты, здольныя несці ракеты «Кінжал»
Сёння мінчукі ў небе над горадам назіралі шматлікія палёты знішчальнікаў. Мінабароны Беларусі растлумачыла, што гэта было.
Як паведамляе ведамства, у Беларусь з Расіі пачаў прыбываць авіяцыйны складнік рэгіянальнай групіроўкі войскаў.
Маніторынгавая група «Беларускі гаюн» паведаміла, што ў небе над Мінскам былі заўважаныя знішчальнікі МіГ-31 без падвесу і ракет.
Гэтыя самалёты могуць запускаць гіпергукавыя ракеты «Кінжал».
Сцвярджаецца, што ўсяго ў Беларусь прыбудуць каля 9 тысяч расійскіх вайскоўцаў. Аднак гэтую лічбу пакуль немагчыма праверыць. Раней беларускія сілавыя структуры часта распаўсюджвалі заведама хлуслівую інфармацыю. Так, узімку 2022 года Аляксандр Лукашэнка і беларускія сілавікі заяўлялі, што расійскія вайскоўцы прыбылі ў Беларусь для вучэнняў, тады як 24 лютага тыя ўварваліся ва Украіну, у тым ліку з тэрыторыі Беларусі, што стала пачаткам самай маштабнай вайны ў Еўропе пасля Другой сусветнай. Дзясяткі тысяч людзей, у тым ліку мірных жыхароў, загінулі, а Беларусь разам з Расіяй апынулася ў міжнароднай ізаляцыі.
Цяпер чытаюць
Як журналістка «Нашай Нівы» шукала пару на праваслаўным сайце знаёмстваў. Падкаціў і Талай36
Каментары
Ці вы вось гэтым з кінжаламі рты пазакрывалі? 8-)