Зяленскі: Расіяне не гатовыя пакінуць Херсон, гэта інфармацыйная аперацыя
«Я не бачу, каб яны беглі з Херсона. Гэта інфармацыйная атака. Я не магу выдаваць усё. Гэта атака, каб мы пайшлі туды, забралі людзей з іншых небяспечных напрамкаў туды. Гэта была іх інфармацыйная аперацыя. Яны не гатовыя пакінуць Херсон», — сказаў прэзідэнт Украіны ў інтэрв’ю італьянскаму выданню Corriere della Sera.
Зяленскі таксама паведаміў, што найбольш падрыхтаваныя расійскія салдаты застаюцца на сваіх месцах. У той жа час, па яго словах, расіяне ведаюць, што не змогуць выйсці з акружэння ў Херсоне, калі ўкраінскія войскі дасягнуць там поспеху.
На пытанне, ці зможа Украіна вызваліць Херсон, Зяленскі адказаў: «Вядома, зможа. Гэта складана, таму што цаной з'яўляюцца людзі. Мы ставімся да людзей не так, як у Расіі. Для яе не мае значэння, колькі людзей памрэ заўтра. А для нас гэта вельмі важна, мы не можам так рабіць. Не можам сказаць: «Ідзіце туды і памірайце».
Таму мы думаем, шукаем шляхі, просім партнёраў даць нам больш браніраванай тэхнікі, каб захаваць больш людзей».
Былы памочнік Лукашэнкі Ігар Брыло прызнаў, што набраў хабараў на $2 мільёны10
Каментары