«Хлопец выглядаў не проста разгубленым». У Чачэрску правялі публічна-паказальнае затрыманне навучэнца мясцовага каледжа
16-гадовага навучэнца каледжа публічна ўзялі пад варту ў актавай зале перад ягонымі аднагрупнікамі. Такая мера санкцыянаваная пракурорам раёна і пра гэтую падзею піша мясцовая раёнка.
«Грубае парушэнне грамадскага парадку і відавочную непавагу да грамадства, здзейсненае з прымяненнем гвалту з хуліганскіх памкненняў, з асаблівым цынізмам і групай асоб — гэта парушэнні закона, за якія падлетак панясе пакаранне нароўні з дарослымі. Пракурор раёна Віктар Семянцоў называе санкцыі артыкула, інкрымінаваныя юнаму злачынцу. Арышт, абмежаванне або пазбаўленне волі тэрмінам да 6 гадоў», — гаворыцца ў артыкуле.
А далей раённыя прапагандысты смакуюць тое, што ўбачылі:
«Стоячы перад аднагодкамі ў кайданках, пад канвоем, хлопец выглядаў не проста разгубленым. Было відавочна: нарэшце да яго прыйшло ўсведамленне, што сваімі ўчынкамі ён не толькі сапсаваў рэпутацыю, але і жыццё на некалькі гадоў наперад. Магчыма, яго выпадак паслужыць урокам для іншых хлопцаў і дзяўчат, якім самастойна рабіць выбар жыццёвага шляху.
Публічнае заключэнне пад варту — зусім не шараговае прафілактычнае мерапрыемства. На хлопцаў і дзяўчат яно, як правіла, робіць моцнае ўражанне, астуджае гарачыя галовы. Перад законам аднымі выбачэннямі і вінаватым выглядам не адкараскаешся. Трапіць за краты за злачынныя дзеянні цалкам рэальна — гэта сваімі вачыма ўбачылі навучэнцы каледжа».
Пра маральны аспект справы і адпаведнасць такіх практык правам чалавека гаворкі ў гэтым артыкуле не вядзецца.
Цяпер чытаюць
Беларусам, якія сядзяць на хатняй хіміі за палітыку, прапануюць палёгку — перайсці на папраўчыя работы5
Беларусам, якія сядзяць на хатняй хіміі за палітыку, прапануюць палёгку — перайсці на папраўчыя работы
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары