У Чалябінску позву ў войска ўручылі беларусу без грамадзянства і нават без дазволу на жыхарства
Беларус Аляксандр, які працуе ў Чалябінску на мясцовай цукраварні, расказаў пра тое, як яму нечакана ўручылі мабілізацыйную позву, тэлеграм-каналу Astra.
«Нас, семярых работнікаў, у панядзелак выклікаў брыгадзір і завёў да сябе ў кабінет, пасля чаго ўручыў кожнаму па позве. Я грамадзянін Беларусі, іншыя мужыкі ў асноўным з Узбекістана.
Мы нават не чакалі, што такое можа быць, бо мы не маем нават дазволу на жыхарства Расіі, я ўжо не кажу пра грамадзянства і да таго падобнае. Позвы ў нас на заўтра. Мне пагражаюць звальненнем, а хлопцы іншыя амаль усе ўжо звольніліся і паехалі дадому, а я не магу звольніцца, у мяне ёсць шмат прычын.
Брыгадзір кажа, што, маўляў, ёсць указ Пуціна прызываць нават не грамадзян РФ. Мне кажуць, тыпу, на вайну цябе не адправяць, толькі звесткі ўдакладняць і ўсё, але я ўсё адно баюся», — расказаў беларус.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары