З’явілася ініцыятыва, аўтары якой заклікаюць беларусаў напісаць словы падзякі і падтрымкі, якія потым збяруць у прыгожы альбом і перададуць былым палітвязням.
Выхад на волю большасці фігурантаў крымінальнай справы супраць студэнцтва — гэта свята для ўсіх сапраўдных беларусаў. Больш за 2 гады амаль адзіным сродкам падтрымкі для іх былі лісты, якія дасылалі з волі. На жаль, як мы ведаем, далёка не ўсе пасланні даходзілі да адрасатаў праз турэмную цэнзуру. Але зараз у нас ёсць магчымасць напісаць ім усе словы падтрымкі, якія мы хацелі ім перадаць, пакуль яны былі ў зняволенні.
Дзеля гэтага з’явілася ініцыятыва, у якой аўтары заклікаюць беларусаў напісаць словы падзякі і падтрымкі, якія потым збяруць у прыгожы альбом і перададуць былым палітвязням.
Зрабіць гэта можна на сайце «Выпускны-2022».
Перайдзіце па спасылцы і напішыце студэнтам што-небудзь прыемнае. Пажаданні, прапановы, пачуцці — усё, што хочаце сказаць з нагоды іх вызвалення.
Таксама падзяліцеся спасылкай на гэтую ініцыятыву са знаёмымі. Чым больш добрых слоў мы збяром для гэтага альбома — тым больш падтрымкі адчуюць нашы героі.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары