Пад Маладзечнам моцны снегапад абрынуў навес, пад якім стаялі коні
У вёсцы Цівідаўка пад Маладзечнам адна гаспадыня займаецца конегадоўляй, і яе 12 коней стаялі пад спецыяльным навесам. Але калі наваліла шмат снегу, гэты навес абрынуўся і коні засталіся пад адкрытым небам, піша Kraj.by.

11 снежня ў гэтай мясцовасці быў такі моцны снегапад, якога гаспадыня, як сцвярджае, ніколі раней не бачыла. Калі падзьмуў вецер і яшчэ падсыпаў снегу з хлява на навес, а наверх праліўся ледзяны дождж ды ўсё намерзла, то канструкцыя навеса ў 360 квадратных метраў не вытрымала і павалілася.

Коні, на шчасце, не пацярпелі, але засталіся без даху над галавой, і самі гаспадары такой праблеме не дадуць рады. Таму Настасся была б удзячная за дапамогу.

Каментары